Námsnet HÍ   Kynningargrein   Forsagan    Starfshópur   Kynningarvefur   Efni fyrir:      Kennara      Stúdenta Glósur o.fl komnar á vefinn Læknadeild   Nemar   Kennarar   Gömul próf Erlent efni (Student Webs)   Heimasíða UH   Háskóli Íslands   Deildir HÍ

Námsnet Háskóla Íslands     Átak til að aðstoða og hvetja kennara við HÍ að nýta    veraldarvefinn í kennslu, m.a. með skipulegri     samvinnu við nemendur  Kynning fyrir stúdenta og forystumenn þeirra . Hvað er Námsnet Háskóla Íslands? Námsnet HÍ er sérstakt stoðkerfi fyrir kennara (og nemendur). Tilgangur þess er einkum að auðvelda þróun og birtingu hverskyns námsgagna og stoðgagna við nám í Háskóla Íslands á Veraldarvefnum. Stoðkerfið er rekið af sérstökum starfshópi, Námsnetsnefnd Háskóla Íslands. (Sjá bókun háskólaráðs 6.2.1997 og  kynningargrein) Hvaða þýðingu hefur námsnetið fyrir námsfólk við HÍ? 1. Stórfelldur tímasparnaður og trygg tilvist góðra námgagna sem hafa     verið leiðrétt og yfirfarin -  af kennara sé um að ræða samvinnu við hann.    Sjá Samvinna - aðalsíða http://www.hi.is/~joner/eaps/wh_samv5.htm      Með því að tryggja að megnið af þeim gögnum sem núna eru handskrifuð      að óþörfu í kennslustundum  séu sett á Veraldarvefinn þá sparast stúdentum      mjög mikil vinna um leið og gæði efnisins  stórbatna miðað við hefðbundnar     "fyrirlestraglósur".     Um getur verið að ræða vinnusparnað á bilinu 1-4 klst fyrir hvern nemanda á     hvern námsdag.  Tvær klukkustundir er líklegt meðaltal.     Sjá:   Hvað kosta óþörf glósugerð?      Þennan tíma má nýta til aukins sjálfsnáms og auka þannig námsafköst.       Beinn ávinningur er að því fyrir nemendur - og kennara (!) að fækka      fyrirlestrum þar sem þeir eru mjög margir en hefðbundnir     einstefnufyrirlestrar eru mun síðri kennsluaðferð en ýmsar aðrar sem þekktar      eru  (Sjá nánari upplýsingar) Nánari upplýsingar Hvað kosta óþörf glósugerð? Samvinna - aðalsíða http://www.hi.is/~joner/eaps/wh_samv5.htm Sjá fyrri dæmi um mjög árangursríka samvinnu kennara og nemenda: http://www.hi.is/~joner/eaps/nn_same1.htm Verkfræðideild 1969   http://www.hi.is/~joner/eaps/wh_69svb.htm   Sjá dæmi um skylt verkefni UH 1984: http://www.hi.is/~joner/eaps/uk_mbl2.htm Rannsóknir á fyrirlestraglósum (Kievra,1985): Hve mörg lykilatriði í fyrirlestri skila sér í glósur nemendanna? (Lykilatriði= "Critical Lecture Ideas")   http://www.hi.is/~joner/eaps/wh_kiewm.htm   Frábær árangur í námskeiðinu: Nám og störf í rafmagns- og tölvuverkfræði http://www.hi.is/~joner/eaps/cs_fbky.htm   (Jan 2001) Um Námsnet HÍ http://www.hi.is/~joner/eaps/nn_net01.htm   2001-02-19 Virk námsgagnasamvinna í MR 1963-1966 http://www.hi.is/~joner/eaps/wh_sammr.htm   Tufts Univ. Med School: 70% of curriculum materials on-line! http://www.hi.is/~joner/eaps/wh_tuft1.htm   2001-02-17 tuftx Ingvar Sigurgeirsson, prófessor, KHÍ: Fyrirlestrar á undanhaldi í háskólum (jan 2000) http://www.hi.is/~joner/eaps/cs_ingva.htm   http://www.khi.is/~ingvar/    2. Fjarvistir (t.d. vegna veikinda) valda ekki vandræðum.     Við þetta má bæta að fjarvistir nemenda t.d. vegna veikinda valda engum      vanda þar sem búið er að koma á skipulegri skráningu allra nauðsynlegra      námsgagna.  Allir nemendur hafa aðgang að þeim hvort sem þeir mæta      í tíma eða ekki! Sjá nánar neðar á síðunni ....

Eru kennarar ekki á móti Námsnetinu og því að gefa úr gögn sín?

Engan veginn! Langflestir virðast hlynntir því þótt stöku menn séu af eðlilegum ástæðum hræddir og hikandi við að birta efni sitt í stórum stíl á netinu.

Við þetta má bæta að auðvelt er að tryggja að enginn komist í gögnin sem ekki hefur viðeigandi lykilorð, þ.e. enginn utan nemendahópsins. Þetta er gert í stórum stíl við erlenda háskóla.

Bæði kennarafélögin við HÍ gáfu út skriflegar stuðningsyfirlýsingar árið 1991 þegar unnið var um tveggja ár skeið að náskyldum hugmyndum innan verkefnis UH,
- Samvinna kennara og nemenda um námsgagnagerð.  (Sjá stuðningsyfirlýsingarnar).   

Stjórn Félags háskólakennara (1991) taldi þessar hugmyndir mjög athyglisverðar og gaf þeim stuðning sinn.  Hún vekur á hinn bóginn athygli því að hér er á ferðinni málefni er semja verður um við HÍ, það er, hvernig kennurum verði greitt fyrir vinnu við að útbúa gögn á netið í stað þess að halda fyrirlestra.

Allmargir kennarar við HÍ eru þegar byrjaðir á að koma efni sínu á vefinn.    Mörg dæmi eru einnig um að efni sem nemendur hafa samið sem námsverkefni (t.d. námsritgerðir) hafa verið sett á vefinn með góðum árangri ( sjá t.d. Nýsköpun og hönnun (Rafmagnsv. 3. ár) )

Stór hópur kennara við læknadeild hefur lýst yfir áhuga á þátttöku. 
( sjá:  http://www.hi.is/~joner/eaps/nn_tlak6.htm    )

Sambærilegir listar verða teknir saman yfir kennara í öðrum deildum innan tíðar.

Hvers vegna eiga námsmenn að taka þátt í því að koma gögnum á netið? Er þetta ekki hlutverk kennaranna?

1. Núverandi launakerfi vinnur í mörgu gegn því að kennarar gangi langt í að þróa og gefa út námsgögn. Til sanns vegar má færa að kennararnir eigi að sinna slíkum verkum. Kjör þeirra og tími til slíks eru þó ekki á þann veg að þau stuðli að þessu. Kennarar fá nánast eingöngu greitt fyrir kennslustundir, þ.e. fyrirlestra eða dæmatíma. Leggi þeir á sig mikla viðbótarvinnu við að þróa gögn þá getur það beinlínis unnið gegn hagsmunum þeirra miðað við núverandi kerfi. Margir nemendur hætta að mæta þegar gögnin eru orðin nógu góð. Þetta fellur mörgum kennurum afar illa af eðlilegum ástæðum. Þeim finnst slíkt óvirðing við sig og óttast hag sinn. Sumir óttast jafnvel að verða óþarfir! Við þessar aðstæður eru það ekki nema örfáir kjarkmiklir og duglegir áhugamenn sem leggja á sig vinnu sem í augum margra er ólaunuð viðbótarvinna.

Einföld lausn er til á þessu máli. Hún er sú að breyta kjörum kennara á þann veg að þeir geti lagt fram vinnu sína í formi gagna og fækkað á móti fyrirlestrum og dæmatímum. Námsnetsnefnd mun gera tillögur um að þróað verði sérstakt útskiptakerfi í þessum tilgangi sem tryggi réttlátan flutning á vinnu frá kennslustundum yfir í gagnagerð.  Þessi möguleiki er reyndar nú þegar til staðar og geta kennarar ákveðið að fækka kenslustundum í samráði við viðkomandi umsjónarkennara eða skorarformenn - og leggja síðan vinnu sína fram með öðrum hætti.

2. Lærdómsríkt og áhugavekjandi að taka þátt í þróun námsgagna fyrir vefinn. Þar sem samvinna hefur tekist milli nemenda og kennara um þróun og útgáfu námsgagna þá hefur slíkt reynst mjög lærdómsríkt og áhugavekjandi fyrir nemendur. Hver og einn sem vill rísa undir nafni sem fagmaður verður að geta tjáð sig í rituðu máli og komið hugsunum sínum á blað. Við núverandi aðstæður eru kröfur af þessu tagi víða litlar innan HÍ. Margir koma því út úr skólanum allt að því #"óskrifandi" að mati þeirra vinnuveitenda sem við þeim taka. Þetta getur ekki talist boðlegt. Allir háskólamenn eiga að geta tjáð sig skilmerkilega í rituðu máli og án mikillar fyrirhafnar. (Sjá tilvitnun hér fyrir neðan).

3. Algerir yfirburðir yfir núverandi fyrirkomulag. Sú skipan mála að skipta verkum og vinna með kennurum þar sem þess er kostur sparar nemendum umsvifalaust mjög mikla vinnu, tryggir þeim aðgang að ítarlegum og leiðréttum gögnum.

Hvaða þýðingu hefur námsnetið fyrir kennara við HÍ?

1. Minna kennsluálag og stöðug framþróun. Með því að flytja hluta af vinnuframlagi kennara yfir í gagnagerð þá má fækka þeim tímum sem þeir þurfa að nota til að "messa" yfir nemendum.

Þannig er auki unnt að skapa aukinn tíma til rannsókna en margir kvarta undan því að geta alls ekki sinnt þeim sakir kennsluálags. Þessi breyting verður að gerast án þess að kjör kennara séu skert! Hví skyldu þeir standa í hagræðingu sem kæmi síðan niður á þeim sjálfum!

Af þessari ástæðu verður að breyta núverandi launakerfi á þann veg að kennarar geti fengið greitt fyrir aðra hluti en þann einan að halda fyrirlestra eða æfingatíma. Við þetta má bæta að víða er beinlínis æskilegt að fækka fyrirlestrum til að nemendur geti komist hraðar yfir í námi sínu.

Þetta verður þó ekki gert nema að tryggja að öll nauðsynleg stoðgögn séu tiltæk!
Aðstoð við þróun stoðkerfis er auðveldar gerð slíkra gagna verður eitt meginviðfangsefni Námsnets HÍ.

2. Möguleikar á auknum tekjum með þróun fjarkennsluefnis
Skipulag af því tagi sem lagt er til mun gera áhugasömum kennurum auðveldara að auka tekjur sínar með því að þróa efni sem er nýtilegt til fjarkennslu. Að auki má benda á að þróun námsefnis fyrir kennslu í HÍ getur skapað nokkrar viðbótartekjur í sumum tilvikum. Hér má benda á styrki Kennslumálasjóðs.

Hvaða þýðingu hefur það fyrir háskólann sem stofnun?

Framsæknar stofnanir hafa ávallt aukinn byr til að afla sér fjárstuðnings og sértekna. Mörgum þykir það súrt í broti að HÍ skuli vera eftirbátur lítilla skóla víða um land í fjarkennslu. Í hugum margra ráðamanna er skólinn alls ekki nægilega framsækinn að þessu leyti. Með því að þróa námsnet eftir þeim tillögum sem Námnetsnefnd hefur gert má gerbreyta þessari stöðu á örfáum árum og tryggja algera forystu HÍ í þessu efni hér á landi.

Skólinn hefur allt sem til þarf, þ.e. langstærsta hópinn af kennurum og námsfólki, fjölmennustu og öflugustu tölvumiðstöðina. Það sem á vantar eru fyrst og fremst framtak, nokkrar skipulagsbreytingar (þ.e. einkum á launakerfi kennara) og vakning. Ekki dugar að láta það fjársvelti sem skólinn býr við koma í veg fyrir framfarir sem eru framkvæmanlegar og borðleggjandi. Margir þeir sem náð hafa lengst í fjarkennslu hér á landi byrjuðu við miklu frumstæðari og verri aðstæður! Láti menn sjálfsvorkunn vegna bágra kjara ná tökum á sér þá verður lítið um framfarir!

• Kynnið ykkur málið!
  1. Skoðið Kynningarvef Námsnets HÍ
  2. Hafið samband við Upplýsingaþjónustu HÍ (UH) ef einherjum spurningum er ósvarað.
  
• Tryggið stuðning lykilfólks í hverjum árgangi
  1. Fulltrúa nemenda í kennslu- og námsnefndum.
  2. Nemendur á hverju ári sem eru til þess fallnir að vera í forystu.
  Búið til lista yfir viðkomandi aðila og hafið svo samband við UH.
  
• Standið fyrir einum eða fleiri kynningarfundum með Námsnetsnefnd
  UH hefur slíkar kynningar tilbúnar sem veffyrirlestra. Margar kynningar hafa þegar verið hladnar fyrir kennara í einstökum deildum HÍ. Búið er að bóka velbúnar kennslustofur (þ.e. Lögberg 101 og Odda 101 utan kennslutíma allan janúarmánuð 1998.
  Það eina sem þið þurfið að gera er að finna hentugan tíma í samráði við UH og tryggja góða þátttöku nemendahópsins. Stofurnar taka yfir 100 manns og eðlilegast er að reyna að fullbóka þær hverju sinni.
  

• Safnið þátttöku á hverju námsári
  
  • kynningargögn
  • undirskriftarlisti
    
    
• Miðið við að vinna sem mest með kennurum ykkar
  Mörg dæmi eru um að nemendur skiptist á eigin glósum, dæmum og öðrum stoðgögnum fyrir nám. Miklu betra skipulag er þó að skipta verkum í heilu bekkjunum, vinna með kennurunum á þann hátt sem hér er lagt til og tryggja þannig að allt efnið sé vandað og leiðrétt auk þ.ess sem vinnuálag á hvern og einn stórminnkar. Samvinnan við kennarana tryggir meðal annars að ekki komi til deilna vegna höfundarréttar. Kennarinn á höfundarrétt á öllu því sem hann lætur frá sér fara í tímum!
  
• Komið upp verkstjórnarkerfi
  Mjög brýnt er að stjórna samvinnu af þessu tagi mjög vel. Afar auðvelt er að klúðra algerlega verkefnum af þessu tagi með einhverju sem viðast kann minniháttar misskilningur eða mistök. Auðvelt er að koma í veg fyrir allt slíkt með því að nýta .á þekkingu sem UH hefur byggt upp á löngum ferli. (Nánari upplýsingar)
  
  UH mun bjóða í janúar upp á námskeið fyrir verkstjóra og útgáfustjóra í hópi nemenda, fyrir þá bekki sem vilja taka upp vinnubrögð af þessu tagi. (Tímar)#
  
• Fylgist með framvindu mála
  Mjög brýnt er að einhver aðili eða aðilar í hverri deild, t.d. nefndir sem skipaðar væru af viðkomandi stjórn til þessa verks vaki yfir allri framkvæmdinni.
  
  Verkfræðinemar skipulögðu sig á þennan hátt kennsluárið 1968-1969 með því að setja upp sérstaka nefnd, Kennslutækninefnd sem hélt vikulega fundi. Í henni voru níu manns eða 3 nemendur af hverju námsári. Þetta er kjörin fyrirmynd til að tryggja samvinnu og miðlun á reynslu og þekkingu milli námsára.
  (meira)

Starfshópur um Námsnet H.Í.