Embla Sól Óttarsdóttir, sonardóttir mín fædd 13. júlí 2005

 

Lífshlaup

Ég er fædd í Reykjavík 2. maí 1956. Foreldrar mínir voru Sveinn Finnsson, lögfræðingur f. 23 nóvember 1920 d. 7. júní 1993, og Herdís Sveinsdóttir, verslunarkona, f. 14. nóvember 1926.

Minn maður heitir Rolf Erik Hansson, f. 7. apríl 1956, sérfræðingur í tannvegssjúkdómum. Foreldrar hans eru Óli Valur Hansson, f. 5. október 1922, fv. garðyrkjuráðunautur, og Emmy Daa Hansson, húsmóðir, f. 31. ágúst 1928, d. 11. nóvember 1989.

Börn okkar Rolfs eru:

Óttar f. 27. mars 1978, doktor í efnafræði. Hans kona er Sunna Símonardóttir, bókmennta- og kynjafræðingur, og eiga þau Emblu Sól sem myndin er af hér að ofan. Hún fæddist 13. júlí 2005.

Nína Margrét f. 18. júní 1983, verkfræðingur starfandi hjá Össuri.

Jakob f. 18. janúar 1991, Verslunarskólanemi.

Jökull f. 21. ágúst 1994, grunnskólanemi.

Systkini mín eru:

Guðlaug, f. 1. júní 1952, d. 28. nóvember 2004, kennari og tölvunarfræðingur. Hennar maður var Benedikt Hauksson, verkfræðingur og eiga þau Svein, verkfræðing, Hauk, hagfræðinema við HÍ, og Maríu Bryndísi. Núverandi kona Benedikts er Steinunn Kristinsdóttir, hjúkrunarforstjóri

Jóhann, f. 15. mars 1955, viðskiptafræðingur. Hans kona er Guðný Hafsteinsdóttir, keramiklistakona og kennari og eiga þau Elísu, bókmennta- og kynjafræðing og Hafstein sem stundar nám í ensku við Háskóla Íslands.

Finnur, f. 11. september 1966, viðskiptafræðingur. Hans kona er Dr. Þórdís J. Hrafnkelsdóttir, sérfræðingur í lyflækningum og eru þeirra börn Sveinn og Arndís, bæði í grunnskóla.

Mágur minn er Ómar Björn, f. 25. júlí 1959, tannsmiður. Hans kona er Guðríður A. Kristjánsdóttir, tannlæknir og lögfræðingur, og eru þeirra börn Óli Valur og Björn Dúi.