Tölvutækni og samfélagið

Siðfræðiumræða

Tilfelli 1

Anna sem er klár framhaldsskólastúlka vil verða læknir. Þar sem hún er af fátæku fólki þá verður hún að fá skólastyrk til að komast í háskóla. Til þess að fá hann þarf Anna að leysa aukarannsóknarverkefni. Framhaldsskólinn hennar hefur fáar gamlar tölvur og það er alltaf biðröð í þær. Sum kvöld fer því Anna yfir á bókasafn einkaháskólans sem er nálægt heimili hennar. Þar er mikið af ónotuðum tölvum tengdum við Internetið. Í þau fáu skipti sem bókasafnsvörðurinn spyr Önnu hvort hún sé nemandi í skólanum svarar hún "Já" og fær þá að vera í friði. Með hjálp þessa aðgangs að tölvum einkaháskólans leysir Anna rannsóknarverkefnið og fær nógu góða einkunn til að fá styrk til að fara í frægan og góðan háskóla.

Spurningar:

  1. Gerði Anna eitthvað sem hún hefði ekki átt að gera?
  2. Hver hagnaðist af hegðun Önnu?
  3. Hver tapaði á hegðun Önnu?
  4. Fékk Anna ósanngjarna yfirburði yfir skólafélaga sína í framhaldsskólanum?
  5. Myndu svör ykkar breytast ef það kæmi í ljós að Anna fékk ekki góða einkunn fyrir verkefnið og komst ekki inn í góðan háskóla?
  6. Hvernig hefði Anna geta náð fram markmiðum sínum á annan hátt?

[byggt á Michael J. Quinn: ETHICS for the Information Age]
hh (hja) hi.is, ágúst, 2006.