Tölvutækni og samfélagið

Siðfræðiumræða

Tilfelli 4

Þú ert yfirmaður hugbúnaðarþróunar í litlu fyrirtæki sem er að þróa nýstárlegan hugbúnað fyrir sjúkrahús. Sölumenn fyrirtækisins hafa lofað hugbúnaðinum til spítalans í næstu viku. Því miður virðast ennþá nokkrar villur í hugbúnaðinum, en yfirmaður prófunardeildarinnar segir að þær villur sem eru þekktar séu smávægilegar, en það muni taka þá einn mánuð að ganga úr skugga um að engar alvarlegar villur sé eftir.
Vegna mikillar samkeppni á þessum markaði er gríðarlega mikilvægt að fyrirtækið þitt komi fyrst fram með sinn hugbúnað. Stór hugbúnaðarfyrirtæki er að þróa svipaðan hugbúnað og ef þeir ná að sýna hann á undan þá er líklegt að þitt fyrirtæki fari á hausinn.

Spurningar:

  1. Ættir þú að leggja til útgáfu hugbúnaðarins í næstu viku?
  2. Hver myndi hagnast ef fyrirtækið færi að þínum ráðum?
  3. Hver myndi tapa ef fyrirtækið færi að þínum ráðum?
  4. Berð þú ábyrgð á einhverju öðru fólki sem ákvörðun þín gæti haft áhrif á?

[byggt á Michael J. Quinn: ETHICS for the Information Age]
hh (hja) hi.is, ágúst, 2006.