Þið eigið að ná í útgáfu 5.01 af Knoppix af Vefsíðunni þeirra (skráin heitir KNOPPIX_V5.0.1CD-2006-06-01-EN.iso) og brenna hana á geisladisk (munið að brenna sem "boot image"). Dreift verður örfáum tilbúnum diskum í fyrirlestri 26.sept. fyrir þá sem ekki hafa aðstöðu til að brenna sjálfir. Það er líklega skynsamlegt að hlaða þessu niður frá íslenska þjóninum. Síðan þurfið þið að komast í tölvu þar sem þið getið breytt ræsiröðinni (e. boot sequence) í BIOS. Tölvurnar í tölvuverum RHÍ eru læstar þannig að ekki er hægt að nota þær í þetta verkefni. Venjulega ræsir stýrikerfið fyrst upp af harða diskinum, en þið þurfið að láta geisladrifið framfyrir í röðinni. Það er misjafnt milli tölva hvernig hægt er að komast inn í BIOS-inn, en þegar tölvur eru ræstar þá koma oftast stutt skilaboð um þetta í upphafi ræsingar. Algengt er að slá þurfi á F2 eða DEL. Þegar ræsiröðinni hefur verið breytt þá er hægt að ræsa tölvuna með Knoppix geisladiskinn í geisladrifinu. Við það ætti Knoppix Linux að koma upp.
Það er líka til DVD-útgáfa af Knoppix (skráin heitir KNOPPIX_V5.0.1DVD-2006-06-01-EN.iso) fyrir þá sem eru viljugir að hlaða því niður. Knoppix DVD inniheldur mun meira magn af hugbúnaði, en virkar að öðru leyti eins og CD-útgáfan.
Þegar Knoppix er farið að keyra þá skuluð þið fikta aðeins í því til að fá tilfinningu fyrir því hvernig er að vinna í þessu umhverfi. Knoppix setur sjálfkrafa upp KDE viðmótið sem keyrir ofaná X gluggakerfinu. Margir Linux notendur eyða þó meiri tíma í skeljunum (e. shells), sem eru skipanalínugluggar. Hægt er að opna "Konsole" og komast þannig inní skipanalínuviðmótið.
Skoðið eftirfarandi hluti:
Ef þið hafið komist inná netið náið þá í skrárnar tilraun.doc, (búin til í MS Word 2000) og tilraun.xls, (búin til í MS Excel 2000) og athugið hvort allt birtist ekki rétt.